மனிதனாக பிறந்ததில் மகிழ்ச்சி துளியும் இல்லை…முத்தரையனாக பிறந்ததற்கு இணை வேறு எதுவும் இல்லை

வரலாறு

நம் குல பெருமைகளை அறிந்து போற்றிப் பாதுகாக்க வேண்டும் அவர்கள் வழிவந்த நம் பரம்பரையினரின் நீங்காக் கடமையும் உரிமையும் ஆகும்.
நான் உலக வரலாற்றையோ, நாட்டு வரலாற்றையோ எழுதப்புகவில்லை. எனது இனத்தையும், குலத்தையும் நான் அறிந்த, என் அறிவிக்குப் புலனாகும் வரலாற்றை தொகுத்துள்ளேன்.
இது பலருக்கு கனிச்சாராய் இனிக்கலாம். சிலருக்கு எட்டிக்காயாய்க் கசக்கலாம். ஆனால் எனக்கு உண்மையன எம் இன வரலாற்றை எழுதுவதொன்றே நோக்கம்.
போற்றுவோர் போற்றட்டும். புழுதிவாரி தூற்றுவோர் தூற்றட்டும். தொடர்ந்து செல்வேன்.
வரலாறு என்பது கற்பனையாய் புனையும் கவிதையோ கதையோ இல்லை.
புதினமோ புராணமோ இல்லை.அது ஒரு புகைப்படமோ, ஓவியமோ இல்லை.வரலாற்றில் கற்பனைக்கோ, உயர்வு நவிற்சிக்கோ இடமில்லை.
இது கடந்த கால உண்மை நிகழ்வுகளின் பதிவேடு. உண்மை சம்பவங்களின் வரைபடம்.
ஒரு இனமும், சமுதாயமும், நாடும் முன்னேற அவை தங்களுடைய கடந்த கால வரலாற்றை தெளிவாக அறிந்திருக்கவேண்டும்.
தன்னை அறியாதவன், தன் இனத்தை உணராதவன், தன் சமூகசிந்தனை அற்றவன், தன் கடந்த கால வ்ரலாற்றை தெரியாதவன் ஜடமாகி, பிணமாகி பின் மண்னாகிறான்.
நாம் நம் முன்னோர்களின் ஆவணக்களை பாதுகாக்க மறந்ததினால் மற்றவர்கள் உரிமை கொண்டாட ஆரமிதுவிட்டனர்
இனியாது பாதுகாப்போம் என்ற கடமையுடன் ………
முத்தரைய குல நாகரீகத்தையும், பண்பாட்டையும், வளர்ச்சியையும் விளக்கும் வகையில் தெளிவாக உணர்ந்து மறைந்து போன அல்லது மறைக்கப்பட்ட பழைய வரலாற்றுச் சுவடுகளை நம் இளைய தலைமுறையினர் அறிய வழி செய்திடல் வேண்டும்.
அன்பும், கருனையும், பரிவும், பற்றும், பணிவும், வீரமும், விவேகமும் எம் குல சொத்து. இளைய தலைமுறையினர் இவை அறிந்து ஆர்வத்துடன் செயல்படின் வரலாற்றில் தடம் பதித்த எமது இனம் மீண்டும் காலத்தையும் வென்று நிற்க்கும் என்பதில் ஐயமில்லை.
நேற்று தோன்றிய கட்சிகள் சங்கங்கள சாதியை வைத்து காரியங்கள் சாதிப்பது அனைவரும் அறிந்ததே இந்நேரத்தில் நம் இனத்திற்குள் ஒற்றுமை அவசியமான ஒன்று…
இணையத்தில் நம் உறவுகளுக்கு நம்மாலான ஏதேனும் ஒரு தகவல் தெரிவிப்போம் உபயோகமாக …
ஒன்றுபடுவோம் .. வெல்வோம்…..
மனிதனாக பிறந்ததில் மகிழ்ச்சி துளியும் இல்லை…முத்தரையனாக பிறந்ததற்கு இணை வேறு எதுவும் இல்லை …சிதறி கிடக்கும் என் சொந்தங்களே அணி திரள்வீர் இன மானம் காக்க….
என்றும் அன்புடன் ….

உலக முத்தரையர் சங்கம்

முத்தரையர்கள் முன்னேற்றம் அடையாததற்கு காரணம் ?

14 மார்., 2013

இலங்கை அரசின் போர்க்குற்றம் : அரசியல் கட்சிகள் கருத்து



இலங்கை அரசின் போர்க்குற்றம் : அரசியல் கட்சிகள் கருத்து
பதிவு செய்த நாள் -
மார்ச் 15, 2013  at   8:29:07 AM
 
லங்கை போர்க் குற்றம் தொடர்பாக புதிய தலைமுறை வெளியிட்ட புதிய வீடியோ காட்சிகள், தமிழ் ஆர்வலர்களிடையே கடும் அதிர்வலைகளை உருவாக்கி உள்ளது. லண்டனைத் தலைமையிடமாகக் கொண்டு இயங்கும், உலகத் தமிழர் பேரவை இக்காட்சிகளை புதிய தலைமுறைக்கு வழங்கியது.
இலங்கைத் தமிழர்களை கொத்துக் கொத்தாக, ஆயுதம் தாங்கிய சிங்களப் படையினர், கொடூரமாக கொன்று குவிக்கும் காட்சிகள் இந்த ஆவணப்படத்தின் மூலம் வெளிச்சத்திற்கு வந்துள்ளன. இந்த படுகொலைகளில் மிக முக்கியமான சாட்சியாக, அடையாளம் தெரியாத சிறுவன் ஒருவன், சிறைப்பிடிக்கப்பட்டு சிறிது நேரத்தில் மிகக் கொடூரமான முறையில் கொல்லப்பட்ட காட்சி புதிய தலைமுறைக்கு கிடைத்துள்ளது. இது, போரின் போது சிறைப்பிடிக்கப்பட்ட சிறுவர்கள் கொடூரமாகக் கொல்லப்பட்டதை உறுதி செய்வதாக உள்ளது.
இலங்கையின் போர்க்குற்றம் தொடர்பாக புதிய தலைமுறை ஒளிபரப்பிய, "இனவெறித் தீ: இரையான இளந்தளிர்கள்" ஆவணப்படம் குறித்து, தமிழகத்தைச் சேர்ந்த முக்கிய பிரமுகர்கள் சிலர் தெரிவித்த கருத்துகளை இப்போது பார்க்கலாம்.
இலங்கையில் இறுதிக் கட்ட போரின் போது நடந்த குற்றங்களையும், மனித உரிமை மீறல்கள் குறித்தும் விசாரணை மேற்கொள்ள ஒரு சர்வதேச விசாரணையை நடத்த இந்தியா வலியுறுத்த வேண்டும் என மார்க்சிஸ்ட் கம்யூனிஸ்ட் மாநிலச் செயலாளர் ஜி ராமககிருஷ்ணன் தெரிவித்துள்ளார்.
இலங்கையில் இறுதி கட்டப் போரின் போது பல்லாயிரக்கணக்கான மக்கள் படுகொலை செய்யப்பட்டனர். கொல்லப்பட்டது ஒரு பாலச்சந்திரன் மட்டுமல்ல பல பாலச்சந்திரன் என காந்திய மக்கள் இயக்கத்தின் தமிழருவி மணியன் தெரிவித்துள்ளார்.
போரில் இறந்த குழந்தைகள் பற்றி யாரும் பேசவில்லை. தற்போது வெளியாகியுள்ள இந்த ஆவணப்படம் சர்வதேச சமூகமும் சரி. அரசியல் தலைவர்களும் இலங்கையில் மனித உரிமை மீறல், போர்க்குற்றம் நடந்ததை ஒப்புக்கொள்ளும் வகையில் இருக்கிறது. இலங்கையில் இவற்றிற்கு எல்லாம் மேல் நடந்தது இனப்படுகொலை என நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.
ஒரு இனம் மொழி எப்படி அழிக்கப்படுகிறது என்பதற்கு இந்த ஆவணப்படம் ஒரு ஆதாரம். பாலச்சந்திரன் போன்ற பல சிறுவர்கள் இலங்கை ராணுவத்தினரால் கொல்லப்பட்டுள்ளனர். சிறார்கள் எப்படி போர்க்குற்றவாளிகள் ஆவார்கள் என்பது தெரியவில்லை என கேள்வி எழுப்பியுள்ளார் இயக்குநர் பாரதிராஜா.
அதிர்ச்சியில் உறைந்த சர்வதேச சமூகம்: 
தமிழகம் மட்டுமின்றி, உலக அளவிலும் பேரதிர்ச்சியை ஏற்படுத்தி உள்ளது புதிய தலைமுறை ஒளிபரப்பிய "இனவெறித் தீ: இரையான இளந்தளிர்கள்" ஆவணப்படம். தமிழகத்திலும், இலங்கையிலும் தற்போது நடைபெற்று வரும் நிகழ்வுகளை உன்னிப்பாக கவனித்து வரும் பிரிட்டன் நாடாளுமன்ற உறுப்பினர்கள், இலங்கையின் போர்க்குற்றங்களை எளிதாக எடுத்துக்கொள்ள முடியாது என்று தெரிவித்துள்ளனர்.
சர்வதேச விசாரணை அவசியம் : இந்தக் காட்சிகளைப் பார்க்கும் எவரும் உறைந்துதான் போவார்கள். இலங்கை அரசால் திட்டமிட்டு நடத்தப்பட்ட இந்த படுகொலைகள் குறித்து சர்வதேச சமூகம் என்ன நினைக்கிறது என்பதை அறிந்து கொள்ள, பன்னாட்டு பிரதிநிதிகளுக்கு புதிய தலைமுறை இவற்றை காண்பித்தது.
இதனைப் பார்த்த பிரிட்டன் நாடாளுமன்ற உறுப்பினர் லீ ஸ்காட் : " இதுவரை நான் பார்த்த ஆதாரங்கள் அனைத்தும் சந்தேகத்திற்கு அப்பாற்பட்டவை. இவை அனைத்தும் மனித உரிமை மீறல்கள். இந்த குற்றத்தைச் செய்தவர்களை அதற்கு பொறுப்பாக்க வேண்டும். அதற்கு சுதந்திரமான சர்வதேச விசாரணை அவசியம்" என தெரிவித்துள்ளார்.
"இலங்கையில் நடக்கக் கூடாது": காமன்வெல்த் மாநாடு இலங்கைத் தலைநகர் கொழும்பி்ல், வரும் நவம்பர் 15 ஆம் தேதி முதல் 17 ஆம் தேதி வரை நடைபெறும் என்று அந்நாட்டு அதிபர் ராஜபக்ச சமீபத்தில் அறிவித்திருந்தார். ஆனால், இலங்கையின் கோர முகத்தை அம்பலப்படுத்தும், இத்தகைய அதிர்ச்சி ஆவணங்களாலும், இலங்கைக்கு எதிராக ஐநா சபையில் ஏற்பட்டிருக்கும் முன்னேற்றங்களாலும், காமன்வெல்த் மாநாடு இலங்கையில் நடைபெறுமா என்பது கேள்விக்குறியாகி உள்ளது.
"தமிழகத்தில் நடத்த முயல வேண்டும்": இலங்கை ராணுவத்தின் கொடூர தாக்குதல் குறித்த ஆவணப்படங்கள் உலகை உலுக்கி வரும் நிலையில், ராஜபக்சவுக்கு எதிராக கடுமையான நிலைப்பாட்டை தமிழக முதலமைச்சர் ஜெயலலிதா மேற்கொள்ள வேண்டும் என்ற எதிர்பார்ப்பு சர்வதேச அளவில் அதிகரித்துள்ளது. அதோடு, காமன்வெல்த் மாநாட்டை தமிழகத்தில் நடத்துவதற்கான முயற்சிகளை மத்திய அரசின் மூலம் முதலமைச்சர் மேற்கொள்ள வேண்டும் என்ற கோரிக்கையும் வலுவடைந்துள்ளது.
ஓயாது ஒலிக்கும் யுத்தக் கதறல்கள்: விடுதலைப் புலிகளின் பிரச்சாரம் என்று கூறி, இந்த ஆவணப் படங்களை இலங்கை அரசு ஏற்கனவே புறந்தள்ளிவிட்டது. ஆனால் சேனல் 4 தொலைக்காட்சியும், புதிய தலைமுறையும் ஒளிபரப்பி இருக்கும் இந்த ஆவணப்படங்கள் ஒன்றை தெளிவுபடுத்தி உள்ளன என சொல்லலாம். இலங்கையில் போர் முடிந்திருக்கலாம், ஆனால், யுத்த கதறல்கள் இன்னும் ஒலித்துக்கொண்டேதான் இருக்கின்றன என்பதுதான் அது.
கருத்துரையிடுக

Windows Live Messenger + Facebook